粵語版：關於香港政府

逍遙的安少

作為一個讀開社會研究 PLUS 中國研究既死廢青，對於近日學生自殺有以下睇法：

D人話D後生仔唔捱得苦，所以自殺。D人又話有自殺既勇氣，點解唔生存落去？If so，點樣解釋經歷過三年大飢荒既中國人，係文革期間自殺？

社會心理學上，有一樣既叫認知失調，其中包括環境、自身信念、行為三元素，三者互相影響。當任何一方出現變化，造成三方面不均衡，就會出現認知失調。認知失調會產生負面情緒。涉事人會透過改變三者，構成新的認知平衡。

文革時期，由於傳統封建的儒家社會構成佢地既重人信念，或者佢地本身就有好重既人文信念，但大環境轉變，佢地產生認知失調。由於一直以黎既信念就係要做一個人，所以尋死以成名節或者避免個人名聲進一步受損。又或者佢地覺得生存無法作為一個人，死才有可能(投胎下一世)。

不過，老老實實，佢地自殺除左學業問題外，仲有冇其他可能性？例如校園欺凌，被老師屈打成招等等？日本呢個年齡既自殺率都好高，而上述問題都涉及其中。另外，直升機家長過份保護，令佢地抗壓能力不足係唔係呢一個問題既另一切入點？

至於D人話唔係梁生問題，梁生最大問題係破壞左舊有秩序(例如部門各自fight預算，變成特首統一調配資源，行政吸納政治、示威遊行訴求轉到抗爭運動等等、經濟理論主張政府積極干預、一面倒背靠大陸同精英離晒地)，但無辦法建立出一套新秩序去呃班香港人。

點解D人會嘈？利益分唔云當然係原因。不過，法國大革命爆發正正係改善得最快既巴黎，有人解釋係相對落差，即係我期望平緩上升，但實際環境卻急轉直下。巨大落差令人民不滿，繼而暴動。

垣白講，我政治立場係君主立憲，三權分立，君主/總統非民授，所以立場唔係黃絲，亦都唔撐警察，因為大部份警察根本係有牌爛仔。至於政府同建制派，真係好失望。庫房水浸唔派糖，仲要一步步消除舒困措施。公屋三糧被政府削到上年一糧，仲要夠膽死講成功爭取一糧。我只係知道我樓下碗麵由$10加到而家20幾蚊。大家樂收我$28一個早餐，粉面額外加5蚊。急症室要排隊排足7個鐘。無得免租、無得免電費。地鐵年年加幾%。經濟唔好，共渡時艱。香港人當時有冇共渡過？而家經濟被大陸佬抄返起，物價升到飛起，人工由初入職破萬到而家不足一萬。

D人成日話外國勢力搞事。中國1985年實行沿海優先發展戰略，官僚資本家賺到笑(包括趙紫陽)，但經濟過熱引致通貨膨漲，最終構成1988年CPI幅上升。經濟高速發展既同時，草根並無法享受經濟成果，自然會暴動。1989年上海工人便實行罷工，唔通班工人好得閒？同埋北京示威中，有支持共產黨既口號，所以又包藏禍心？

OK，Fine。就當你外國勢力介入。咁你麻掃平佢地囉。1941年戰前，港英政府收到日本準備進攻香港消息，便踩上去搵國民黨同共產黨香港代表針一針。人地一早知你個竇係邊，做乜野都知。可能戰前好Q遠，咁66-67年暴動D左派團體同學校你唔知？一出事就拉人封艇啦。1970-1980年代，新華通迅社香港分社組織政治D政治運動，個政府麻又掌握大量情報。而家又話外國勢力介入，咁你麻拉人封艇囉，死掙把口，無料扮四條。

人地曾蔭權都識叫曾俊華強積金6000銀變直接派錢，避免建制派選舉失利。你梁生又做個D乜呀？講真，你作為一個特首，做得出色只有雙辣招同房屋政策。咁你不如做輸運及房屋局局長，咪係度生人霸死地。

stuka

期待有普通話版本