到酒店和老婆吃下午茶，旁邊有一對明顯初次約會的男女。我就這麼見證著一個港女嚇跑了心儀對象。
女生：「我呢，actually唔覺得要試多啲唔同嘅Cuisine，好多謝你invite我嚟食呢間，thank you！」
男生：「哈哈，多謝妳嚟就真！妳平時食咩嘢o架？」
女生：「Well，好多唔同國家嘅Cuisine都有喎！好少食中國菜囉haha！硬係覺得唔多夾自己咁！」
男生：「哦，妳係外國出世？定係讀國際學校？」
女生捧起瓷杯，呷了口茶，尷尬地說：「會成日接觸外國朋友囉……我香港出世嘅。」
聽罷，男生揚起眉毛，歎了一聲「原來如此」，就開始吃鬆餅。未幾，女生問起對方的大學學系，男生笑著答道：「我讀教育o架！」
「吓，唔似囉sorry！I'm pretty sure你會俾學生蝦囉！你似做Admin囉，即係大學嗰啲收銀員呀哈哈哈！」女生故作端莊地食起三文治，又捏了捏他的臉。
男生聽著不是味兒，反問：「妳讀咩科o架？」她不知怎的恍神一下，輕聲說：「都係Language嗰啲啦……」
「中文？英文？Linguistic？日文？」男生續問：「妳讀邊間o架？」她靦腆地咬了咬鐵叉：「我讀Asso嘅，得未啊？」
氣氛一下子僵起來。男生還未說話，她想挽回局面，又問起各自家庭：「係呢，你問屋企人關係點o架？」
男生笑著說：「我同媽咪一齊住囉，爸爸好早就唔理我哋。」本來是個好話題，她卻皺著眉應道：「吓，『媽咪』？你幾多歲啊，叫mother做媽咪！Help，笑死我！」
聽罷，他已明顯地洩氣，沒有回話。女生眼見對方無語，主動問起：「係呢，之後我哋係咪去睇Ant-Man？」
「唔去喇，我想返去做份paper。」男生的語氣第一次帶點決絕。「咁……睇場戲都唔得？」，她開始有點慌張，連那饒舌到抽搐的英語都沒念出口。
「係啊，唔想之後要做收銀。」說罷，男生沒有立即離開，繼續默默地吃下層的甜品。對坐的她就這麼看著他把玩手機，約會無聲地走到盡頭。
兩人相對，打開心房做自己，永遠最好。
IG：jerry_sir
-------------------------------
P.S. 散文集《誤人子弟Jerry Sir》及小說《你永遠要提防女朋友的身邊人》將於各大書局上架，敬謝支持。